ЖОЖдор аралык студенттик олимпиада өттү

04.05.2023

Студенттерди даярдоонун сапатын жогорулатуу, алардын чыгармачылык жөндөмдүүлүгүн өнүктүрүү, алган билимин практикада колдоно билүү, тандап алган кесибине кызыгуусун арттыруу, таланттуу жаштарды аныктоо жана илимий-изилдөө, административдик жана башкаруучулук ишмердүүлүк үчүн кадрдык потенциалды түзүү максатында 2023-жылдын 26-27-апрель күндөрү Кыргыз Республикасынын Президентине караштуу Ж.Абдрахманов атындагы Мамлекеттик башкаруу академиясынын «Экономика жана башкаруу» кафедрасы, «Грант Торнтон» ЖЧКсынын колдоосу менен экономика боюнча ЖОЖдор аралык студенттик олимпиада өткөрдү.

Иш-чарага Кыргыз Республикасынын борборунан жана областтык жогорку окуу жайларынан экономикалык адистиктердин 2-4-курстарынын студенттеринен турган 12 команда катышты. Олимпиада эки турда өттү.

Биринчи турга 61 студент катышып, катышуучулар экономикалык дисциплиналар боюнча тесттик тапшырмаларды чечишти. Олимпиаданын жыйынтыгы боюнча төмөнкү жеңүүчүлөр аныкталды:

1) Б.Н. Ельцин атындагы Кыргыз-Россия Славян университетинин студенти Икрамова Анара, 1-даражадагы диплом, «Грант Торнтон» ЖЧКсында стажировкадан өтүү үчүн сертификат жана Кыргызстандын Кесиптик бухгалтерлер жана аудиторлор институтунда окуудан өтүү үчүн сертификаттар менен сыйланды.

2) Эл аралык башкаруу, укук, каржы жана бизнес академиясынын студенти Гүлбердиева Фарогат 2-даражадагы диплом, «Кепилдик фонду» ААКда стажировкадан өтүү сертификаты жана «Кыргызстандын кесипкөй бухгалтерлер жана аудиторлор институту» ЖАКсында окууга сертификат менен сыйланды.

3) КЕЙИН институтунун студенти Сариев Талант 3-даражадагы диплом, «Кепилдик фонду» ААКда стажировкадан өтүү үчүн сертификат жана «Кыргызстандын кесипкөй бухгалтерлер жана аудиторлор институту» ЖАКсында окуудан өтүү үчүн сертификат менен сыйланды.

4) Б.Н. Ельцин атындагы КРСУ студенти Айдана Калбердиева, «Кыргызстандын кесипкөй бухгалтерлер жана аудиторлор институту» ЖАКта окуу үчүн сертификат түрүндөгү кызыктыруучу сыйлык ыйгарылды.

Экинчи турда катышуучулар командаларга биригишип, татаал кырдаалдык маселелерди чечишти. Калыстар тобунун мүчөлөрү командалардын жогорку деңгээлдеги даярдыгын белгилешти жана 2-турдун жыйынтыгы боюнча төмөнкү финалисттер аныкталды:

1) АГУПКР командасы 1-даражадагы диплом, 5000 сом акчалай сыйлык, ошондой эле «Грант Торнтон» ЖЧКсында стажировкадан өтүү үчүн сертификаттар менен сыйланды.

2) Б.Н. атындагы КРСУнун командасы, 1-даражадагы диплом, 5000 сом акчалай сыйлык, ошондой эле окуу-методикалык куралдар менен сыйланган.

3) «МУ Ала-Тоо» командасы 2-даражадагы диплом, 4000 сом акчалай сыйлык, ошондой эле «РСК Банк» ААК тарабынан белектер менен сыйланышты.

4) Ж.Баласагын атындагы КЭФ КУУнун ВШЭ командасы 3-даражадагы диплом, 3000 сом акчалай сыйлык, ошондой эле «РСК Банк» ААК тарабынан белектер менен сыйланышты.

5) М.Рыскулбеков атындагы КЭУнун командасы., кызыктыруучу акчалай сыйлык менен сыйланды.

«Ала-Тоо» МУ командасынын эмгеги «Грант Торнтон» ЖЧКсынын атайын байгеси менен сыйланды.

Кыргыз Республикасынын областтык жогорку окуу жайларынын командалары окуу куралдары түрүндөгү кызыктыруучу сыйлыктар менен сыйланышты.

Кыргыз Республикасынын Президентине караштуу Жусуп Абдрахманов атындагы Мамлекеттик башкаруу академиясынын «Экономика жана менеджмент» кафедрасы, «Грант Торнтон» ЖЧКсынын башкы демөөрчүсүнө каржылык колдоосу жана олимпиаданын жеңүүчүлөрүнө баалуу сыйлыктары үчүн өзгөчө ыраазычылык билдирет. Ошондой эле башка демөөрчүлөрүбүзгө: «Кепилдик фонд» ААКсына, «Кесиптик бухгалтерлер жана аудиторлор институту» ЖАКсына жана «РСК Банк» ААКга баалуу сыйлыктар үчүн ыраазычылык билдиребиз.

Олимпиаданын жеңүүчүлөрүн жана окуучулар менен иштөөгө түз катышкан бардык предметтик мугалимдерди куттуктайбыз!!!