Студенттер Кыргыз Республикасынын Жогорку Сотуна караштуу Сот департаментинде болушту

31.03.2023

2023-жылдын 28-мартында Кыргыз Республикасынын Президентине караштуу Жусуп Абдрахманов атындагы мамлекеттик башкаруу академиясынын «Юриспруденция» багытынын 1-курсунун студенттери ачык эшик күнүнүн алкагы менен Кыргыз Республикасынын Жогорку Сотуна караштуу Сот департаментинде болушту.

 Жыйында Сот департаментинин директорунун орун басарлары Кубат Черикчиев менен Жылдыз Рыскулова, бөлүм башчылар жана Сот департаментинин Борбордук аппаратынын кызматкерлери Сот департаментинин түзүлүү тарыхы жана миссиясы ошону менен бирге сот аткаруучулардын ишмердүүлүгү, алардын укуктары жана милдеттери, ошондой эле сот тутумдарын санариптештирүү боюнча жүргүзүлүп жаткан иштер тууралу кыскача айтып беришти. Ошондой эле, студенттер үчүн Сот департаментинин имаратында экскурсия уюштурулуп, анын жүрүшүндө мекеменин иш процесси менен таанышып чыгышты.